PEÑA TXURI SURF ESKOLA

"SURF ESKOLA BAT BAINO ASKOZAZ ERE GEHIAGO"

PEÑA TXURI SURF ESKOLA

"SURF ESKOLA BAT BAINO ASKOZAZ ERE GEHIAGO"

 

Aritza Saratxaga

Txikitatik izan dut harreman estua hondartzarekin eta surfarekin. Peña Txuri izan da beti erreferente bat niretzat, hemen egiten hasi nintzelako kirol balentria txikiak, hasieran ikasle gisa eta gero begirale eta entrenatzaile tekniko gisa.

25 urte daramatzat surfari emana. Irakastea nire pasioa da eta nire karreran zehar, ibilbide oparoko surflariak entrenatu ditut, hala nola, Leticia Canales, Natxo Gonzalez, Txaber Gaminde, Ander Mendiguren, Aletxu Gironi eta Kalani Dasilva.

Izugarri gustatzen zait bidaiatzea. Olatu bikaineko lekuetan egon naiz, eta entrenatzaile gisa hobetzeko eta hazteko baliatu ditudan esperientziak bizi eta partekatzeko aukera izan dut. Gustatzen zaidan horretan lan egitea ohore bat da. Horregatik, segitzen dut nire burua hezten, nire ikasleei beren kirol ibilbidean lagundu dezaketen entrenamendu osoak eskaini nahi dizkiedalako.

Txaber Gaminde

“7 urte nituenetik nabil surfean. Ordutik ez dut gogoratzen, itsasotik edo olatuetatik gertu egon ez naizen egunik. Bizitza erdia daramat eskola honi loturik, lehenik ikasle gisa eta ondoren begirale gisa. Urteotan, estatu mailako eta Europako txapelketetan parte hartu dut eta horretarako, Aritza Saratxagarekin batera entrenatu naiz.

Surfa nire bizitza eta ilusioa da. Nire gustuko eremuan lan egitea amets bat da, eta are amets handiagoa, ikasten jardun nuen eta surflari bihurtu nintzen eskolan lan egin ahal izatea. Niretzat, Peña Txuri, ez da eskola soil bat izan, familia bat baino, beti lagundu didana eta surflari berriei laguntzen diena.”

Karlota Jauregui

“Surfa beti egon da nire bizitzan, eta duela 8 urte nire entrenamenduak hasi nituenetik gaur arte, ez da egun bat bera ere igaro, Peña Txuriko partaidea izateagatik poztu ez naizenik, horrenbeste eman didan eskolako partaidea izateagatik. Merezi izan du. 8 urte geroago, familia honetako partaidea izaten segitzen dut, eta horretaz harro nago. Gaur egun eskolarekin daukadan harremana hasieran bezain estua da, egunez egun irakasten segitzen dudalako urteotan ikasi ditudan sekretu guztiak.

Ander Mendiguren

“8 urterekin hasi nintzen surfean, eta ordutik aurrera, nire bizitzaren ardatzetako bat bihurtu da surfa. Leku paregabeetara bidaiatu dut (Australia, Panama, Maroko eta Isla Reunión…), eta Euskal Herriko, estatuko eta Europako txapelketetan parte hartu dut.
10 urte dira jada Peña Txuriri lotuta nagoela, hasieran ikasle gisa eta gero, sakontze ikastaroetako begirale gisa. Ilusio handia egiten dit parte hartzeak eskola honetan, zeinetan giro ezin hobea dagoen eta surflariak hezten lan ikaragarria egiten ari den.”

Adrián López

“Surfa beti izan da nire bizitzaren parte bat. 10 urte baino gehiago daramatzat surfean. Txikitan, itsasbazterrean eserita, olatuei begira egoten nintzen nire lehen olatua, egunero ikusten nituen olatu haietatik lehena noiz hartuko ametsetan. Ikaragarri gustatzen zait bidaiatzea, eta surfari esker, olatu, leku eta jende zoragarria ezagutzeko aukera izan dut. Bidaia guztietako esperientziak surflari eta pertsona gisa hazteko balio izan didate. Horregatik, argi daukat surfa nire bizitza eta nire pasioa dela, mundu hau bertartik bertara ezagutu nahi duten pertsona guztiekin partekatu nahi dudana.

Nacho Sebastia

“8 urte nituenetik nabil surfean. Surfa nire bizitza eta pasioa da. Bidaiatzeko aukera sortu zitzaidanetik, ez dut aukerarik galdu leku eta olatu berriak ezagutzeko. Bihotzez kanariarra, orain Euskal Herrian bizi naiz, surflari eta begirale gisa hazten segitzeko aukeratu nuen herria.
Urteotan, estatu mailako eta europar eremuko lehiaketetan parte hartu dut. Ikaragarri gustatzen zait lehiatzea eta urtetan ikasitakoa probatzea.
Orain nire ezagupen guztiak belaunaldi berrietako surflariei transmititzeko aukera edukitzea Amets bat da, eta niretzat oinarrizkoak diren baloreak transmititzen dituen eskola bateko partaidea izatea benetako plazera da.”

CLAYTON DE VALGAS

“Ozeanoa nire etxea, nire oxigenoa da. Bera gabe, ezin naiz bizi. Peña Txurirentzat lan egitea, itsasoari diodan maitasuna eta errespetua partekatzea da, surfean igaro ditudan 32 urtetan ikasi dudan guztia irakastea.”

Denis Martínez

“Txikitan hasi nintzen surfeatzen eta ordutik, munduko bazter asko surfaren bitartez ezagutzeko parada izan dut. Orain begiralea naizela, denborarekin ikasiz joan naizen guztia irakastea plazer bat da. Surfak une deskribagaitzak oparitzen ditu, eta niretzat, eskolara hurreratzen diren pertsona guztiei lehen olatua hartzearekin batera sentitzen den zirrara partekatzea da lan honetan gehien gustatzen zaidana. Harrotzekoa da, bestalde, bere lanean horrenbeste gozatzen duen lantaldeko partaidea izatea.

JUAN BAIGES

“Jaio nintzenetik nire bizitza, hondartzara eta itsasora lotuta egon da. Peña Txuriri esker hasi nintzen surfeatzen, eta ordutik nire bizitza olatuen inguruan jira-biraka ibili da. Surfari esker horrenbeste jende eta leku ezagutzea bizitzan izan daitezkeen esperientziarik onenetako bat da, eta olatu bat hartzeak ematen duen zirrara mundutik aparteko esperientzia bat da.”

KALANI DA SILVA

“Brasilen hasi nintzen surfean 3 urterekin, baina 4 urtetik aurrera, Fuerteventurako olatuetan hazi naiz. Peña Txurin nago, eskolako giro onagatik. Horrek etxean bezala sentiarazten nau.”

IKASI SURFEATZERA GURE BEGIRALEEKIN

“Gustoko duzuna egitea askatasuna da, egiten duzuna gustatzea poztasuna da”¡zure bizitza aldatzeko momentua da eman pausua!”